Urteko egun guztietan osasuntsu jatea
Ikastetxeetako jantokietan menu orekatu eta osasungarrien proposamen bat aurkezteko egiten dugu lan egunero. Izan ere, modu osasuntsuagoan eta iraunkorragoan jatea posible da, baita ikastetxean ere.
Esperientzia osasungarriak elikatzen ditugu haurren garapen-etapa bakoitzean ekarpen nutrizionala egokia bermatzen duten menuekin, dieta aberatsa, askotarikoa, osasuntsua eta orekatua izan dezaten; betiere dieta bereziak ahalik eta gehien zainduz.
Arretaz prestatzen ditugu sasoiko menuak. Haietan, nekazaritza ekologikoko elikagaiak sartzen ditugu, landare-proteina bultzatzen dugu plateretan. Forma ematen diegu etxeko errezeta tradizionalei eta janaria prestatzeko modu soil eta askotarikoei. Halaber, errezeta berriak aztertzen ditugu, eremu geografiko bakoitzaren sukaldeko gustuetara egokitzen gara, eta beste gastronomia batzuk ezagutzeko aukera zabaltzen dugu gure jardunaldi gastronomikoen bidez.
Goi-mailako kalitateko lehengaiak eta hurbileko hornitzaileak hautatzeko prozesu zorrotza aplikatzeari eta azken teknologia erabiltzeari esker, une oro berma ditzakegu kalitate-estandar ezin hobeak.
Menu osasuntsuak eta, aldi berean, erakargarriak eta dibertigarriak direnez, bazkalorduan elkarbizitza hobetzen da. Horrela, umetatik ikasten dira ingurumena errespetatzen duten bizimodu osasungarriak, bai elikadurari eta bai jarduera fisikoari dagokionez.
Tokiko hornitzaileekin, sasoiko eta hurbileko produktuekin eta produktu kimikorik gabeko elikagaiekin lan egiten dugu. Animalien ongizatea errespetatzen dugu, eta hazkuntza ekologikoko lehengaien erabilera sustatzen dugu.
Hezkuntza integral eta jasangarriko eremu gisa ulertzen dugu jantokia. Gure hezkuntza-proiektua ikastetxe bakoitzaren ildo pedagogikora egokitzen da, eta alderdi hauetan jartzen du arreta: ingurunea errespetatzen duten ohitura osasungarriak sustatzea, elkarlana eta gizarteratzea bultzatzea, eta errespetu-, segurtasun- eta konfiantza-giroa sortzea eguerdian.
Beren garapenean haurrek gidaritza onena eta behar duten laguntza jasotzen dutela ziurtatzen dugu. Osasuntsu jaten, aktibo egoten, zintzo portatzen, autonomia-jokabide berriak hartzen, besteekin modu positiboan harremanak izaten, eta ingurumena errespetatzen laguntzen diegu.
Gure begiraleak profesionalizatzeko eta ahalduntzeko egiten dugu lan; horren haritik, etengabeko prestakuntza eta beharrezko tresnak ematen dizkiegu haurren hezkuntzan eta zaintzan erreferente bihur daitezen, beti ikastetxeetako balioak eta filosofia errespetatuz.
Kudeatzailea arduratzen da Ausolan taldea ikastetxean koordinatzeaz, dena ezin hobeki joan dadin. Ikastetxeko eguneroko bizitza eraginkortasunez antolatu, konpondu eta aurrera eramaten du, eta zerbitzu bikaina bermatzen du.
Decidere Ausolanen jantoki zerbitzu berria da, 14 eta 18 urte bitarteko ikasleei zuzenduta. Zerbitzu horrek autonomia-maila handiagoa ematen die zer eta non jan erabakitzeko orduan, jantokiari jantoki-itxura kentzen dion soluzio digital bati esker.
Borbor du izena ikastetxe bakoitzaren beharretara egokitzen den eta parte hartzen duten pertsonen elkarlana ere baduen jantoki-zerbitzua diseinatzeko Ausolanek eskaintzen duen metodologiak. Zure ikastetxera egokitutako jantokia sortzen laguntzen dizugu. Jantoki horretan, ikasleak gustura egongo dira, eta familiek konfiantza izango dute.
Inguruneak eragina du bertan bizi diren pertsonengan, eta are gehiago eguneko unerik berezienetako batean: bazkalordua. Horregatik, sukalde-, jantoki- edo patio-proiektu integralak sortzen ditugu, baita beste eremu batzuk egokitzeko proiektuak ere.
