Escola Sant Cristòfor ikastetxeko jangelak Bureau Veritas erakundearen Jangela Eko-Arduratsuaren Kataluniako lehen ziurtagiria eskuratu du
2025 abe. 09- Ziurtagiri hau erreferentea da elkarteei zuzendutako otorduen jasangarritasunari dagokionez.
- Jangela jasangarrien eredu berria da, bederatzi euskarritan oinarritua; besteak beste, erosketa jasangarria, elikagaiak alferrik galtzea saihestea, ekomugikortasuna, baliabideen erabilera eraginkorra eta erantzukidetasuna.
Elkarteei zuzendutako otorduak prestatzen dituen Ausolan enpresak Bureau Veritas erakundearen Jangela Eko-‑arduratsuaren ziurtagiria eskuratu du Escola Sant Cristòfor ikastetxeko jangelan.
Mugarri honi esker, jasangarriagoa eta osasuntsuagoa den eta gizartearekiko konpromiso handiagoa duen eredu baterako aurrerapausoak ematen ari diren jangela-sarean sartu da ikastetxea. Hala, eraldaketa egingarria dela eta ikasleei, familiei eta hezkuntza-komunitateari onura nabarmenak ekar diezazkiokeela erakutsi du.
Jangela Eko-jasangarriaren eredua edozein jarduera-sektoreri aplika dakioke. Elikadura jasangarria sustatzen du eta hazkunde ekonomikoa, ingurumenaren zaintza eta ongizate soziala orekatzea du helburu. «Ikuspegi hori jangelako egunerokoan integratzeko moduaren adibide da Escola Sant Cristòfor ikastetxea», adierazi du Alejandra Quipuzco Ausolango kalitate-teknikariak.
Ereduak zerbitzuaren ziklo guztiak barne hartzen dituen bederatzi euskarrietan jarduten du:
- Erosketa arduratsua: ingurunearekiko eta gizartearekiko arduratsuak diren produktuak lehenetsiz.
- Dieta osasuntsu eta jasangarria: bizitzako aro guztietan dieta nutritibo, osasuntsu eta jasangarriak osatzen dituzten elikagai eta edarien kontsumoa sustatuz.
- Baliabideen erabilera eraginkorra: eredu energetiko eta hidriko jasangarriagoetarako aurrerapausoak emanez.
- Elikagaiak alferrik galtzea saihestea: modu jasangarriagoan ekoitzi eta kontsumitzea lortzeko.
- Hondakinen prebentzioa, berrerabilera, birziklapena eta balorazioa: hondakinen prebentzioaren eta murrizketaren bidez ekoizpen-eredu zirkularrerako aurrerapausoak emanez.
- Ekomugikortasuna: garraio jasangarriagoa sustatuz.
- Heziketa jasangarria. Ingurumen-inpaktuarekiko kontzientzia sortuz eta, ikastetxearen hezkuntza-proiektuaren baitan, heziketaren eta formakuntza integralaren bidez jangelan ohitura jasangarriak sustatuz.
- Zentroaren erantzukidetasun integrala: jasangarritasuna, jangelatik harago.
- Antolaketa osasuntsua: langileen osasuna, segurtasuna eta ongizatea bermatuz.
Jangela Eko-jasangarria ezartzeko interesa duten enpresek Ausolanen laguntza jasoko dute une oro. «Fasekako plan bat, aholkularitza eta formakuntza eskaintzen diegu, jangela jasangarri baterako trantsizioan laguntzeko», Ausolango Operazio Buru Bernat Raventós-ek adierazi bezala.
Gainera, indarreko eta etorkizuneko legedia betetzen eta energia-efizientzia handiagoaren bidez dirua aurrezten lagunduko die ereduak.
Jangela Eko-jasangarriaren ziurtagiria‑ NBEren Garapen Jasangarrirako Helburuekin lerrokatuta dago, bereziki, GJH 12arekin (ekoizpen eta kontsumo arduratsua), eta alferrik galdutako elikagaiak murriztea eta baliabideak modu eraginkorragoan kudeatzea sustatzen ditu. Ikuskapen, ziurtagiri eta probetan liderra den Bureau Veritas erakundeak ereduaren eskakizunak betetzen direla ziurtatzen du auditoretza bidez.
