Comer san todos os días do ano
Traballamos todos os días para achegar aos comedores dos centros escolares unha proposta de menús equilibrados e saudables. Porque comer dunha forma máis sa e sostible é posible, tamén no colexio.
Alimentamos experiencias saudables con menús que garanten unha achega nutricional adecuada en cada etapa do desenvolvemento dos nenos para que gocen dunha dieta rica, variada, sa e equilibrada, sempre coidando ao máximo as dietas especiais.
Elaboramos con esmero menús de tempada nos que introducimos alimentos de agricultura ecolóxica, potenciando a proteína vexetal nos pratos, dando forma a elaboracións caseiras, tradicionais e a formas de cociñar sinxelas e variadas. Tamén exploramos novas receitas, adaptándonos ao gusto culinario de cada zona xeográfica e abrimos a oportunidade de coñecer outras gastronomías mediante as nosas xornadas gastronómicas.
Un proceso de selección de materias primas esixente e de primeira calidade e provedores de proximidade, así como o a última tecnoloxía, permítenos garantir en todo momento uns estándares de calidade óptimos.
Uns menús saudables, atractivos e divertidos fan que a comida sexa un momento que fomenta a mellora da convivencia e a aprendizaxe desde a infancia de estilos de vida saudables e respectuosos co medio ambiente, tanto alimentarios como de actividade física.
Traballamos con provedores locais, produtos de tempada e de proximidade e alimentos libres de produtos químicos. Respectamos o benestar animal e impulsamos o uso de materias primas de cultivo ecolóxico.
Entendemos o comedor como un espazo de educación integral e sostible. O noso proxecto educativo, adaptado á liña pedagóxica de cada colexio, céntrase en promover hábitos saudables e respectuosos co medio ambiente, fomentar a colaboración e inclusión e crear un clima de respecto, seguridade e confianza no espazo do mediodía.
Garantimos que os nenos e nenas reciban a mellor guía e apoio necesarios no seu desenvolvemento evolutivo. Axudámoslles a comer san, a ser activos, a comportarse ben, a adquirir novas condutas autónomas, a relacionarse cos demais de forma positiva e a respectar o medio ambiente.
Traballamos para profesionalizar e capacitar aos nosos monitores e monitoras, proporcionándolles unha formación continua e as ferramentas que precisan para ser referentes na educación e no coidado dos nenos e nenas, respectando sempre os valores e a filosofía dos centros escolares.
A persoa xestora encárgase de coordinar ao equipo de Ausolan no centro para que todo flúa. Preocúpase por organizar, solucionar e sacar adiante o día a día do centro con eficacia, garantindo un servizo excepcional.
Decidere é un novo servizo de comedor dirixido a comensais de 14 a 18 anos que lles permite adquirir un maior grao de autonomía á hora de decidir que comer grazas a unha solución dixital que fai que o comedor sexa menos comedor.
Borbor é a metodoloxía que ofrece Ausolan para deseñar unha experiencia de comedor adaptada ás necesidades de cada centro e coa participación das persoas implicadas. Axudámosche a deseñar o comedor á medida do teu centro educativo. Un comedor no que os alumnos e alumnas queiran estar e no que as familias confíen.
O ambiente afecta ás persoas que viven nel, e máis aínda nun dos momentos máis especiais do día: a comida. Por iso, creamos proxectos integrais de cociña, comedor, patio ou adaptación doutros espazos.
